Lögreglan í Noregi ömurleg

Ég á ekki til orð til að lýsa vanþóknun minni á því hvernig lögreglan í Noregi höndlaði mál íslendingsins sem var vísað út úr rútu um miðja nótt um hávetur 90 km frá þeim stað sem hann ætlaði á.  Þrátt fyrir að maðurinn hafi verið drukkinn, bar lögreglunni að ná í manninn áður en rútan lagði aftur af stað.  Mér finnst þetta miklu meira mál lögreglunnar en rútubílstjórans, sem jú hringdi í lögregluna og fékk leyfi til að halda áfram áður en náð var í manninn.  Kannski hefði bílstjórinn átt að neita því að halda af stað áður en lögreglan kom, það er líka annað sjónarhorn.  Hvað átti maðurinn svo að gera í þessu smáþorpi sem hann var settur út í um miðja nótt.  Allt lokað.

Hvað með allt þetta fólk sem lét lögregluna vita af því að það hefði séð manninn ganga eftir þjóðveginum?  Datt engum í hug að stoppa og bíða eftir lögreglu að minnsta kosti?   Var kannski lögreglan ekkert að flýta sér að finna manninn?   Það lítur út fyrir það eftir fréttinni að dæma.

Ég sendi aðstendendum mannsins mínar dýpstu samúðarkveðjur.

Íslendingur fannst látinn

Athugasemdir

[Sigurjón, 24.11.2009 kl. 06:08]

Amen á eftir efninu!

Kv. Sigurjón