Sæti fyrir of feita og of mjóa

Fyrst það er farið að framleiða extra stór sæti fyrir offitusjúklinga og þau auglýst sérstaklega fyrir þá, þá finnst mér ekki annað en sanngjarnt að það verði líka framleidd extra mjó sæti fyrir horrenglur og þau auglýst fyrir anorexíusjúklinga.
mbl.is Blá sæti fyrir feita
Tilkynna um óviðeigandi tengingu við frétt

Gleðigangan

Nú er dagur Gleðigöngunnar
 
Gay Pride!
 
Allir að mæta með gleði í hjarta, fallegar hugsanir
og gleðjast yfir fjölbreytileika mannflórunnar.
 
HeartHeartHeart

Eðlisfræðikeppni í Mexíkó

Nú er yngri sonur minn Elías Rafn staddur í Mexíkó að taka þátt í Olympíuleikum í Eðlisfræði fyrir hönd Íslands, ásamt þremur öðrum strákum.  Með þeim í för eru tveir kennarar héðan.

Datt til hugar að koma þessu að hérna, þar sem lítið er skrifað um annað en um Ice save og kreppuna.  Það er ýmislegt sem við getum glaðst yfir líka.  Ég er mjög stolt af syni mínum, en hann sigraði keppnina hérna heima. Hann er nýlega orðin stúdent frá MR af Eðlisfræðibraut.  

Það er alltof lítið fjallað um það í fjölmiðlum hvað krakkarnir okkar eru að gera og hvað þau standa sig vel oft og tíðum.  Íþróttirnar fá þó alltaf sitt pláss en það er lítið fjallað um námsárangur ungmenna og mjög lítið um þessar keppnir sem krakkar héðan fara í.  Þær eru þó þrjár talsins.  Eðlisfræði-, stærðfræði- og efnafræðikeppnir.

Í eðlisfræðikeppninni taka þátt ca. 60 lönd og það eru 3-6 keppendur frá hverju landi.  Keppnin er mjög strembin og stendur í nokkra daga.  Á morgun er fyrsti keppnisdagur og síðan er líka keppt á miðvikudaginn.  Keppnin er bæði verkleg og fræðileg og er í raun einstaklingskeppni þótt nokkrir taki þátt frá hverju landi fyrir sig.

Strákarnir sem fór héðan, þurftu að vera í strangri þjálfun fyrir keppnina og var þjálfunin á vegum Háskóla Íslands.  Sonur minn fékk styrk frá Reykjavíkurborg í 2 mánuði, þ.e. laun, en hinir strákarnir sem eru ekki úr Reykjavík, fengu litla sem enga styrki frá sínu sveitafélagi.  Það virðist vera algjör mismunun þarna á ferðinni og þetta ætti nú einhver blaðamaður að taka að sér að kanna.  Það er algjörlega út í hött að krakkar sem taka þátt í svona keppni, þótt hún sé kostuð fyrir þá, þ.e. flug og gisting, að þau hafi engin laun á meðan.  Það er engin smá vinna sem þau leggja á sig.

En við skulum allavega senda strákunum okkar í Merida í Mexíkó stuðningskveðjur.

Hér má kynna sér keppnina:

http://ipho2009.smf.mx

gbdkdmmi.jpg

Sonur minn er lengst til hægri á myndinni

Mynd tekin að láni frá Morgunblaðinu sem fjallaði smávegins um keppnina


Gleðilegt sumar!

Gleðilegt sumar kæru bloggvinir og takk fyrir veturinn. 

showletter_2.jpg


Megi þið eiga gott og hlýtt sumar

og megi bjartsýni og sköpunarkraftur verða ríkjandi hér á landi.

............

Ég kvaddi veturinn með flensu og núna í dag á sumardaginn fyrsta fór ég loksins að hressast.

barn nagar ta

 

Og muna svo að kjósa rétt!!  W00tFootinMouth

 


Ótrúlega krúttlegar myndir

Þessar myndir eru bara krúttlegar og ekkert annað Smile Gaman að sjá hvernig vinátta getur þróast hjá ólíkum dýrategundum.

kisa_pafagaukur.jpg

 

kisa_pafagaukur_1.jpg

 

kisa_pafagaukur_2.jpg

 

kisa_pafagaukur_4.jpg

 

kisa_pafagaukur_5.jpg

 

kisa_pafagaukur_6.jpg

 

kisa_pafagaukur_7.jpg

 

kisa_pafagaukur_8.jpg

 

kisa_pafagaukur_9.jpg

 

kisa_pafagaukur_10.jpg

 

kisa_pafagaukur10.jpg

 

kisa_pafagaukur11.jpg

 

HeartHeartHeart


Hvað er "æðri vitund eða æðra sjálf"?

Æðri vitund mannsins sem rís upp handan við allan svokallaðan raunveruleika, jarðneska vitsmuni og rökhugsun, er gríðarlega merkileg ef út í það er farið. Leið fólks til að skilja hana og tengjast er afar torfær og þyrnum stráð og markeruð af vitsmunalegum blekkingum, þar sem trúarinnræting og trúarbrögð hafa mótast af því að festa hið æðra í form með mótun huga fólks.  Þar sem fólki er talin trú um að það sé eitthvað að óttast ef það fer út fyrir ákveðinn ramma og því er hugsunum og hugarheimi þeirra stýrt.  Þetta hefur litað huga mannsins og sett í fjötra.

Það er talsvert af fólki sem er í góðum tengslum við sína æðri vitund án þess að gera sér grein fyrir því.  Það fólk er yfirleitt mjög víðsýnt og hugur þeirra sér langt út fyrir rammann hvað varðar m.a. þróun mannsins og möguleika okkar í framtíðinni. Kærleikur þeirra og mannúð er ekki bundin við hugsun um hver sé þóknanlegur og hver ekki.  Það fólk hefur líka góða stjórn á huga sínum og kann að aðgreina og skilgreina hvað er í gangi í kollinum á því. Það hefur yfirsýn yfir sinn eigin huga og kann að skilgreina ímyndanir og upplifanir og egóið þeirra þvælist ekki fyrir.  Að hafa yfirsýn yfir sinn eigin huga og vita hvað þar er í gangi segir fólki að það hafi góð tengsl við sína æðri vitund.  

Æðri vitund mannsins gefur honum innblástur, innsýn og yfirsýn langt út fyrir rammann á því sem telst "raunverulegt". Þaðan koma oft stórkostlegar uppfinningar og uppgötvanir sem hafa nýst manninum til góðs og upplýst hann, þótt á stundum hafi hinum upplýsta líka tekist að litast af hugarheimi annarra þegar til framkvæmda kom eða fallið sjálfur í brunn græðgi, spillingar og/eða fengið háleitar hugmyndir um sjálfan sig.  Góð tengsl við sína æðri vitund gefur manninum dýpri og meiri meðvitund um lífið yfirleitt og kosti þess og galla og þetta fólk er oft með ríkulega réttlætistilfinningu.  Réttlæti þeirra er byggt á sönnu réttlæti sem er óháð hugmyndum trúarbragða um réttlæti sem oft er byggt á ranglæti og fáfræði.

Það er erfitt að tengjast sinni æðri vitund og lifa í því ástandi alltaf, því að til þess þarf maður að horfast í augu við sjálfan sig sem reynist mörgum erfitt. Maður þarf að hlusta á skynsemi sína og samvisku og losna við ótta við hið ósýnilega og sleppa öllum hugsunum um að maður sé eða verði meiri en hver annar.  

Ég hef trú á því að við séum í vitsmunalegri þróun og sú þróun væri aldrei til staðar ef maðurinn hefði ekki æðri vitund. Æðri vitundin er það sem margir upplifa sem Guð. Hvaðan þessi æðri vitund er komin og hvort eitthvað er handan hennar og hvernig hún gerir okkur einstök verður að upplýsast í eilífðinni.

Skynjun og vitund mannsins hefur ekki verið kortlögð og vísindin eru komin stutt á veg með að rannsaka þessi mál, enda kannski mjög erfitt að rannsaka æðri vitund því lausnin er að tengjast henni.  Þaðan er uppspretta sannleikans um okkur sjálf Heart

ShowLetter w

Trúarfjötrar og hvað þeir gera fólki

Jæja, núna er búið að vera mikið um trúarumræður á mínu bloggi.  Ég er ekki hætt að skrifa þannig blogg ef einhver hélt hann gæti andað léttar og verið í friði með sína öfgatrú Tounge og þá sérstaklega þegar verið er að níða fólk fyrir kynhneigð sína.   Langar að benda á, að það er hægt að myrða fólk á mismunandi hátt, þ.e. það er hægt að drepa lífsvilja fólks og misþyrma sálum þess, þegar það er stanslaust undir hælnum á trúfólki sem sér ekki bjálkann í eigin augum þegar það notar biblíuna sem vopn til að telja því trú um að kynhneigð þeirra sé af hinu illa og kallar það svo allskyns nöfnum og útlistar því á ýmsan miður fallegan hátt sem ég ætla ekki að fara út í hérna.  Það geta allir kynnt sér það sem les mína síðustu pistla.

Svo ég segi við öfgatrúaða, farið að lesa aðeins um rannsóknir á sálarlífi fólks almennt og verið hreikin af mannúðinni sem er að reyna að brjóta sér farveg í gegnum það fagfólk og það upplýsta fólk sem hefur unnið að því í aldanna rás að reyna að koma fyrir okkur vitinu og upplýsa okkur.  

Farið ofan í saumana á ykkar eigin skoðunum og fordómum og hættið að bera biblíuna fyrir ykkur. Hvernig þið mörg hugsið og komið fram í skrifum og í málflutningi ykkar, ber svo sannarlega vott um heilaþvott og mikla innrætingu.  Því hvernig er hægt að halda fram einhverju ljótu um einstaklinga sem eru ekki eins og þær stereotýpur sem eru aðeins viðurkenndar sem eðlilegar innan margra trúarhópa og halda því svo fram að þið séuð svo kærleiksríkar manneskjur og með Guði í liði.  

Það er hægt að innræta guðsótta og það er auðvelt þegar um er að ræða fólk sem er hrætt við hið "ósýnilega vald" sem trúarbrögðin hafa verið umvafin.  Vald sem þeim var gefið vegna fáfræði og vanþekkingu þeirra sem höfðu vald yfir öðrum og höfðu engan skilning á mannlegu eðli og höfðu mjög takmarkaða þekkingu.   Heimur þeirra var mjög lítill og yfirsýn þeirra yfir heiminn afar smá. 

Það er einfaldlega ekki hægt að fá visku sína úr gömlu trúarriti og tileinka sér þann mismunandi hugsunarhátt sem þar skín í gegn, með því að tileinka sér sumt sem heilagan sannleika en ekki annað.  Þegar fólk gerir það, er það orðið smitað og litað af guðsótta og trúarlegri innrætingu. Við eigum ekki að gefa neinum eða neinu svo mikið vald að það fari að stjórna huga okkar.  

Ég þekki ungan mann sem fór að fara á samkomur hjá ofurtrúuðum söfnuði.  Allt var voða skemmtilegt í fyrstu en smátt og smátt var innrætt í hann guðsótta og núna er svo komið hjá honum að hann þorir ekki að stíga út fyrir rammann sem honum var settur varðandi trúarsýn sína og lífssýn.   Hann sagði að allt í einu á einni samkomunni hefði hann farið að finna fyrir svo miklum ótta í raun við heiminn, að hann þorir ekki að hætta.  Hann er farinn að sjá illt í ýmsu sem hann sá ekki áður og er farin að taka undir fordæmingu á því sem hann hafði ekki fordæmt áður.  Hann er í raun í miklu meiri vanlíðan núna en hann var í áður en hann fór að sækja samkomur. Núna verður hann að fara á samkomur og helst sem oftast til að hreinsa sig nú af öllu þessu illa og allri syndinni sem dynur á heiminum, sem er búið að matreiða ofan í hann með samansuðu úr biblíunni.

Ég er viss um að margir hafi farið þessa sömu leið og þessi ungi maður.

En ég segi, vitandi það hvernig þetta allt hefur áhrif og vitandi meira um trúmál og sálfræðina í trúarinnrætingunni, hafandi skoðað þetta vel og kíkt sjálf inn í þessa heima, þá er ekkert að óttast að fara út úr þessu.  Það er hið sanna frelsi. Það er ekkert að óttast nema manns eigin blekkingar og þær blekkingar sem manni eru innrættar.

Fyrst og fremst á fólk að vera ánægt með sig sjálft og treysta sem mest á sig sjálft og ekki gleypa við því sem aðrir eru að boða með óttablandinni innrætinu úr trúarritum. Við eigum að ráða yfir okkar hugarheimi sjálf en ekki eitthvað ósýnilegt vald. Við eigum að kenna börnum okkar að hugsa sjálfstætt og vega og meta hlutina á víðsýnan hátt og af mannúð og af ábyrgð.  Efla sjálfstæði þeirra.

Það er fullt af fólk í heiminum sem hefur alls enga trú og lifir bara ágætis lífi fyrir það.  Það er bara sóun að vera að keppast um það hversu þóknanlegur maður er einhverjum Guði sem fólk upplifir á mismunandi hátt.  

Það er líka fullt af fólki í trúarfjötrum sem hylur þeim sýn og gerir þeim í raun erfitt með að upplýsast og koma með eitthvað fram sem svo sannarlega myndi nýtast mannkyninu til góðs.  

Andlegum eða vitrænum hæfileikum er sóað í trúarofstækinu.  Hugmyndaheimur fólks er sýktur og settur í fangelsi.

Hið sanna frelsi fæst þegar fólk stígur út úr öfgaheimi trúarinnar og þá fara hæfileikarnir að blómstra.  Vannýttir hæfileikar til að hugsa rökrétt og fá hugmyndir sem nýtast og gera stórkostlegar uppgötvanir og uppfinningar. Að komast í sátt við lífið og kosti þess og galla og vinna að jákvæðum breytingum,  sem er ekki hægt að gera á meðan hugur fólks er fjötraður. Fjötraður hugur lætur leiða sig og hjarðeðli verður til.  Fólk lætur hafa sig út í alls konar vitleysu af því það er blindað og fylgir bara fjöldanum.

Trúarfjötrarnir standa fólki fyrir þrifum.


Álit öfgatrúaðra á samkynhneigðum í hnotskurn

Hér kemur álit eins ofurtrúaðs bloggara á samkynhneigðum í hnotskurn:

Það kemur fram í athugasemd við þetta blogg sem ég er búin að vísa í áður í þar síðasta pistli.



"Eins og ég sé samkynhneigð þá getur hún varla verið meðfædd.  En veiki tel ég hana vera.  Ég ætla að telja aðeins hérna hvernig ég sé samkynhneigð.

1. Þegar einhver einstaklingur fæðist frábrugðin öðrum t.d. með downsyndrome, siamstvíburar, afbrigðilegaútlimi eða eitthvað annað þá er um einskonar framleiðslugalla að ræða sem við köllum fötlun.

2. Það er ekkert í DNA eða neitt líkamlegt sem að spilar inní kynhneigð manna.  Líkamlega eru samkynhneigðir 100% eins og við.

Ergo => samkynhneigð er þá andlegt mein eða andleg fötlun.

Að því gefnu að þetta er andlegt þá  get ég ekki samþykkt það að þetta sé meðfætt. Þar sem það eru hlutnirnir umhverfis barnið sem hafa áhrif á andlegu þætti þess.

Ergo => ég lýt sömu augum á samkynhneigð og þunglyndi og aðra geðræna sjúkdóma."

Arnar Geir Kárason, 10.2.2009 kl. 19:31

Athugið, breiðletrunin er mín.

............

Það er svo greinilegt að viðkomandi aðili hefur ekkert gert af því að kynna sér alvöru rannsóknir varðandi kynhneigð og lætur bara þar við sitja að hafa þessa trú.  

Ég segi:  Hvernig væri að upplýsast og fræðast?  Hvernig getur þú Arnar Geir Kárason, sett fram svona rugl og vitleysu og talið þetta einhver sannindi?  Er það af því að þú ert ofurtrúaður og hefur trú þín gert þig svona fávísan?  

En góðir lesendur, þetta er álit öfgatrúaðra á samkynhneigðum í hnotskurn.  Og auðvitað verðum við svo að bæta við í þeirra fordóma sarp.............já það er líka litið á þá sem glæpamenn og með meðfædda synd og vanþóknanlega guði og að kynhneigð þeirra sé sori og að þeir séu kynvillingar og ábyrgir fyrir þjáningu þjóðarinnar fyrst var samþykkt á alþingi að leyfa þeim að fá blessun í kirkjum landsins yfir staðfesta sambúð sína og kynlíf þeirra líkt við viðurstyggð og svo mætti lengi telja.

Ég ætla bara að leyfa mér að segja við fólk sem er með svona viðurstyggilegan og ljótan hugsunarhátt að þið eruð algjörir trúvillingar! Af hverju haldið þið að þið séuð kölluð "öfgatrúarfólk"?

Svo fær þetta fólk að viðra þessar ömurlegu skoðanir sínar hér á blogginu og níða fólk.

Það er staðreynd að hjá öfgatrúuðum eins og ég er marg búin að benda á er samkynhneigð mikið áhyggjuefni.  Þetta öfgatrúarfólk telur sig vita betur en læknar, geðlæknar, sálfræðingar og kynfræðingar og annað upplýst fólk sem veit að kynhneigð skiptir ekki máli og hvernig sem hún er, er hún hluti af náttúrunni og eðlileg.  Þetta fólk er með alla sína vitneskju úr biblíunni sem skrifuð var fyrir 2 þúsund árum og 5-6 þúsund árum, þ.e. gamla testamentið.

Það er svo gott að geta skýlt fávisku sinni og fordómum á bak við trúarrit og túlkað þau á þann hátt sem styður fordómana og öfgana.

Ef það er eitthvað samkynhneigt fólk að lesa mín skrif þá vona ég svo sannarlega að ekkert ykkar láti ykkur detta það til hugar að þið séuð eitthvað annað en hluti af flórunni og að þið látið ekki trúaröfgaskoðanir hafa áhrif á ykkur.  Ég og fleiri ætlum að hreinsa þetta út  Smile svo allir geti unað sáttir við sig.


Trúardekur

Langar að benda á frábæra færslu um trúmál og trúardekur eins og bloggarinn Hnakkus kallar það.   Endilega lesið færsluna.

 

http://hnakkus.blogspot.com/2009/02/niur-me-trufrelsi.html#links

 

 


Dýrin fara ekki til himnaríkis

Nú er það nýjasta hjá öfgatrúuðum þegar maður bendir þeim á að það fyrirfinnist líka samkynhneigð og tvíkynhneigð í dýraríkinu að það skipti engu máli því að dýrin séu ekki undir náð drottins.  Þau fara því væntanlega beint til helvítis eftir dauða sinn. 
 
dyrag_kaninur.jpg
 
Dýrin sem mörg eru okkur svo kær og sýna af sér meiri kærleika oft og tíðum heldur en maðurinn eru bara óþarfi og eiga ekki skilið að fara til himnaríkis.
Þau eru ekki í náðinni.
 
att00005.jpg
 
Nei það eru víst engin dýr í himnaríki.  Þar er bara fólk sem er haldið trúarblindu.
 Þetta himnaríki öfgatrúaðra hlýtur að vera nokkurs konar hæli fyrir þetta fólk og því  leyft að vafra þar um um ókomna tíð að eilífu.
 
ShowLetter 8
 
Voðalega kann þessi leiðinlegi Guð þeirra illa að meta dýrin.
Ég er ansi hrædd um að margir dýravinir vilji nú ekki kannast við þennan guð
frekar en mannvinir sem vilja ekki heldur kannast við hann vegna fólks sem fellur ekki undir stereótýpur öfgatrúaðra hvað varðar kynhneigð.

Alvöru rannsóknir varðandi kynhneigð

Ég gleymdi alveg að nefna í þættinum á Útvarpi Sögu, samtökin sem hafa staðið að viðamestu rannsóknum á kynhneigð í heiminum, en þau heita

The AmericanPshychological Association (APA) 

Þau eru staðsett í Washington DC og eru stæstu samtökin á sínu sviði í heiminum.  Meðlimir þeirra eru 148.000,- Þessi samtök hafa hlotið fjölda viðurkenninga fyrir störf sín og rannsóknir.  

Á heimsíðu samtakanna, sem er viðamikil með gott aðgengi fyrir leikna og lærða að nýjustu og helstu upplýsingum og "vönduðum" rannsóknum um sálarlíf fólks, er að finna  vandaða skýrslu um samkynhneigða og tvíkynhneigða.  Samtökin hafa staðið fyrir rannsóknum á því sviði í áratugi. Árið 1975 voru þau leiðandi á því sviði að fá sálfræðinga til að losa samkynhneigða og tvíkynhneigða undan þeim smánarbletti að kynhneigð þeirra væri geðsjúkdómur.

Niðurstaða þeirra er ótvíræð.  Kynhneigð er meðfædd og hvar sem hún liggur hjá fólki er hún eðlileg og hluti af flórunni.  Samtökin segja einnig að það skipti höfuð máli að styðja fólk sem er að koma "út úr skápnum" og það hafi reynst farsælast fyrir alla.

Foreldrar eiga að standa með börnum sínum sama hver kynhneigð þeirra er en ekki fyllast sorg og bera sorgarband eins og sumir forkólfar trúarsafnaða hafa látið út úr sér. 

Þannig að það öfgatrúar fólk  og leiðtogar safnaða, sem leita svara við öllu í kreddufullum kenningum biblíunnar, sem er bók um trúmál, ættu að taka sig saman í andlitinu, líta upp úr biblíunni og kynna sér alvöru rannsóknir gerðar af alvöru fagfólki sem hefur mannúð og þekkingu að leiðarljósi.

Í niðurstöðum rannsóknarinnar, lýsa samtökin ótta sínum vegna aðferða sem öfgatrúaðir beita samkynhneigða einstaklinga til að "lækna" þá af kynhneigð og telja það mjög varasamt. Einnig lýsa þau því yfir að níð um þessa hópa og ofbeldi gagnvart þeim,  hafa mjög slæmar geðrænar afleiðingar og valda óhamingju og mikilli streitu.  Þau tala sérstaklega um hversu slæmt þetta er í samfélögum trúaðra og að þessar "tilraunir" til að losa fólk við áskapaða kynhneigð séu hættulegar.

Þannig að þið sem eruð að leika ykkur svona að sálarlífi fólks og teljið það óeðlilegt á einhvern hátt eruð bara ótýndir glæpamenn af því þið látið hafa ykkur í það að svívirða fólk og rugla það í ríminu með því að halda því fram við það að það sé vanþóknanlegt og óeðlilegt.

Skammist ykkar!!!


www.apa.org 

Beint á rannsóknirnar:

 http://www.apa.org/topics/sorientation.html

 


Það má flengja litla drengi

Ég verð svo pirruð þegar ég les svona fréttir.  Sýknaður fyrir að flengja syni kærustu sinnar 4ra og 6 ára.  Ef þetta hefðu verið stúlkubörn sem áttu þarna í hlut hefði maðurinn ekki verið sýknaður.  Það get ég svo sannarlega sagt og staðið við.   Þrýstihópar um málefni kvenna hefðu orðið vitlausir.  En í þessu tilfelli var um tvo litla drengi að ræða.  

Að bera svo olíu á rassinn á þeim eftir flengingarnar, sannar bara fyrir mér að þarna var helv.... perri á ferð, enda maðurinn kenndur við bdsm.

Þetta er bara ofbeldi sem drengirnir urðu fyrir af hendi mannsins og mjög gróft. Aumingjaskapurinn í mömmunni að bregðast ekki við þessu fyrr.  Kannski stóð þrælslundin eitthvað í henni.

Vesalings litlu drengirnir. 

Það er skömm að þessum dómi og ég lýsi vanþóknun minni á þessu.  Hvar eru þrýstihóparnir núna?  Hóparnir sem öskra hátt og láta ófriðlega ef konur verða fyrir einhverju óréttlæti og þá líka stúlkubörn.

Hver ætlar að halda uppi vörnum fyrir litla drengi og karlmenn svona yfirleitt sem svo sannarlega verða fyrir ofbeldi og valdníðslu, og líka af hendi kvenna.

Mér er óglatt.


mbl.is Mátti flengja drengi kærustu sinnar
Tilkynna um óviðeigandi tengingu við frétt

Okrað á heyrnarskertum

Pabbi minn hefur verið með heyrnartæki í mörg ár. Það er komið að því að hann þarf að endurnýja gamla tækið sem er orðið úr sér gengið og hefur í raun aldrei verið til friðs. Hann hefur oft þurft að fara með það í viðgerð. 

Nýja tækið sem hann fær kostar litlar 330.000,- kr.

Af því greiðir Tryggingastofnun kr. 60.000,- svo eftirstöðvar eru 270.000,- kr. sem hann þarf að greiða sjálfur kominn á eftirlaun.   

Mér finnst þetta algjört okur og eins og með svo margt sem hefur farið úr böndunum í hinu svokallaða "góðæri" sem var og margir reyndu að græða sem mest á. 

Að fólk sem er komið á eftirlaun og orðið heyrnarskert skuli ekki fá svona tæki ódýrari er mér alveg gjörsamlega ómögulegt að skilja. 

Þetta er bara okurstarfsemi.

...............................

Mig langar að benda á eitt atriði sem "góðærið" koma á koppinn.  Það er ekki hægt og hefur ekki verið hægt lengi að fá sóluð dekk!  


Bakreikningur eftir jarðarför

Ég var að tala við konu í fjölskyldu minni ekki alls fyrir löngu um bruðlið hjá Þjóðkirkjunni.  Það fór ekkert á milli mála hver afstaða mín var í því samtali og að ég aðhylltist aðskilnað ríkis og kirkju.

- Já þú segir nokkuð sagði konan.  Ég hef einmitt verið að velta þessu svolítið fyrir mér, sérstaklega eftir að tengdamamma lést.  Við fórum í viðtal við prestinn sem ætlaði að jarðsyngja hana til að ræða við hann um athöfnina.  Hann bauð okkur að flytja sjálfur fallegt verk á selló í athöfninni sem okkur fannst mjög vinsamlegt af honum að bjóða okkur og við þáðum það.  Athöfnin var falleg og presturinn flutti sitt sellóverk mjög vel og tók það einhverjar mínútur.  

Nokkrum dögum eftir jarðarförina fengum við svo reikning frá prestinum upp á 25.000,- kr. fyrir flutninginn W00t

Síðan bætti hún við eftir að ég var búin að sjokkerast. - Já svo þarf ég að borga yfir 4.000 kr. fyrir fermingarfræðslu yngsta barnsins sem fermist í vor og síðan 10.000  fyrir ferminguna sjálfa.  Í hvað fara allir þessir skattpeningar?


Laxness um athafnamenn og fleira

Halldór Laxness lýsir íslenskum athafnamönnum í Kristnihaldi undir jökli.

Spurt er: Hvað er hraðfrystihús?

Og svarað: „Það eru íslensk fyrirtæki. Spaugararnir reisa þau fyrir styrk frá ríkinu, síðan fá þeir styrk af ríkinu til að reka þau, þvínæst láta þeir ríkið borga allar skuldir en verða seinast gjaldþrota og láta ríkið bera gjaldþrotið.. Ef svo slysalega vill til að einhverntíma kemur eyrir í kassann þá fara þessir grínistar út að skemmta sér"

(Kristnihald undir Jökli, bls. 301)

.............................................................................................................

Svona verður sumarfríið hjá mörgum árið 2009 Whistling

vacances2009

................................................................................

Nú eru jólin framundan og hér er sniðug hugmynd fyrir einhverja

til að létta þeim lífið á þessum erfiðu tímum

santa´s nose

.........................................................................

Svo er ýmislegt hægt að gera til að bregðast við matarskorti ef hann verður W00t

wokdog

...........................................

Það gengur allavega ekki að gefast upp og gefa skít í allt Tounge

drunk-cat

................................................................

Við verðum að reyna að skilja hvað heimurinn snýst um og hvað gengur og hvað ekki Heart

quake004

..............................................................

Við þurfum að vera opin og finna nýjar leiðir

20060724161900_0

...........................................

funny-cat-picture-cute-kitty-pic-kitten-looking-in-mirror-seeing-a-lion

Image5


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband